Íslensku tónlistarverðlaunin voru afhent í Silfurbergi í Hörpu í gærkvöld, 18. mars. Verðlaunin, sem haldin eru fyrir tilstilli STEF og SFH, hampa því sem þykir skara fram úr á ári hverju í íslenskri tónlist. Alls voru veitt 30 verðlaun og breidd íslenska tónlistarsamfélagsins því í forgrunni.
‍

Laufey hlýtur fern verðlaun

Laufey stóð uppi sem sigurvegari kvöldsins en hún hlaut fjórar styttur. Hún var meðal annars valin vinsælasti tónlistarmaður ársins í netkosningu í samstarfi við RÚV og Rás 2 en þar að auki hlaut hún verðlaun fyrir söng ársins (popp-, rokk- hipphopp-, og raftónlist), plötu ársins (popptónlist) og flytjanda ársins (popp-, rokk- hipphopp-, og raftónlist). Rapparinn Birnir, hljómsveitin Of Monsters and Men, djasstónlistarmaðurinn Tómas Jónsson og tvíeykið Páll Óskar og Benni Hemm Hemm hlutu allir tvenn verðlaun hvor. 

Bjartasta vonin: Sara Mjöll Magnúsdóttir

Forseti Íslands, Halla Tómasdóttir, afhenti Söru Mjöll Magnúsdóttur verðlaunin fyrir Björtustu vonina. Sara gaf út fyrstu plötu sína A Place to Bloom á síðasta ári og flygdi henni eftir með útgáfutónleikum á Jazzhátíð Reykjavíkur í ágúst síðastliðnum. Hún hefur stimplað sig hratt inn í íslensku djasssenununa sem afburða hæfileikaríkur hammondleikari, hljómsveitastjóri og tónskáld. 

Heiðursverðlaun: Todmobile

Meðal annarra hápunkta kvöldsins var þegar Bragi Valdimar Skúlason, textasmiður og formaður FTT, veitti goðsagnakenndu prog-popp hljómsveitarinnar Todmobile heiðursverðlaun Íslensku tónlistarverðlaunanna 2026. Todmobile lauk svo hátíðahöldunum með því að flytja lögin Stúlkan og Ég heyri raddir. 

Við óskum öllum verðlaunahöfum innilega til hamingju með verðskulduð verðlaun! 

Áfram íslensk tónlist!
‍

Listi yfir alla verðlaunahafa:

Sígild og samtímatónlist:

Hanna Dóra Sturludóttir

Djasstónlist:

Silva Þórðardóttir

Popp, rokk, hipphopp og raftónlist:

Laufey

‍

Flytjendur ársins

Djasstónlist:

Tómas Jónsson

Önnur tónlist:

RAKEL

Popp, rokk, hipphopp og raftónlist:

Laufey

Sígíld og samtímatónlist:

Óður

Plötur og útgáfa ársins

Kvikmynda- og leikhústónlist:

Hvar er Jón? – Úlfur Eldjárn

Djasstónlist:

Crossing Borders – Ásgeir Ásgeirsson

Hipphopp:

Dyrnar – Birnir

Önnur tónlist:

Quiet Presence – Sævar Jóhannsson

Rokktónlist:

All is Love and Pain in the Mouse Parade – Of Monsters and Men

Sígild og samtímatónlist:

Opus 109: Beethoven, Bach, Schubert - Víkingur Heiðar Ólafsson

Popptónlist:

A Matter of Time – Laufey

Raftónlist:

QUACK – gugusar

Lög og tónverk ársins

Raftónlist:

In The Sound of Breathing – SAGES (Ólafur Arnalds & Loreen)

Önnur tónlist:

Day Old Thoughts – Árný Margrét

Djasstónlist:

Watachico – Watachico

Rokktónlist:

Ordinary Creature – Of Monsters and Men

Sígild og samtímatónlist:

Before we fall, sellókonsert – Anna Þorvaldsdóttir

Popptónlist:

Eitt af blómunum – Páll Óskar og Benni Hemm Hemm

Hipphopp:

10 ÞÚSUND – Emmsjé Gauti og Króli

‍

Önnur verðlaun

Tónlistarmyndband ársins:

Það sem jólin snúast um með GDRN, KK og Magnúsi Jóhanni – Kristný Eiríksdóttir

Texti ársins:

Eitt af blómunum – Páll Óskar og Benni Hemm Hemm

Upptökustjórn ársins:

210 með Ómari Guðjónssyni – Ásgeir Aðalsteinsson og Ómar Guðjónsson

Tónlistarviðburður ársins:

Stórtónleikar Birnis í Laugardalshöll – Birnir

Tónlistargrafík ársins:

Best á flest – Sounds of America – Magnús Trygvason Eliassen, Tómas Jónsson Davíð Arnar Baldursson og Ragnar Þórhallsson

‍